吸水管理層如何吸水

上次講管理層分兩種,一個叫創業管理層,一個叫吸水管理層,依家就講解下吸水管理層如何吸水.

佢地擅用各種手段吸引羊群,就如街邊擺象棋局一樣,旁觀者總像能看穿如何把對方將死,耐不耐就先把股價炒一轉,引人入局,靠的只是一個起,兩個止的虛無飄渺理由:新概念,名人加入.總之就是全球資源被炒貴的時候就話自己搵到個新礦洞,阿乜叔當紅的時候就搵佢入股做招徠.

不過,到得散戶得到消息後入貨的時候,股票就已經從不值一文的價位翻左好多翻了,講真升覆亦都真係好吸引,足以令到散戶們產生不合理的幻想,而且股價又唔 會一下子倒下,托下托下,有起有落,絕對向喜歡炒上落,自我挑戰的散戶們投其所好,成個局就好似象棋殘局咁,看似勝算在握,但其實危機四伏.

咁跟住就係到管理層繼續發功的時刻了,做假數,配股,股數十合一,零股息,零星的發放假好消息,當然係會有少部份散戶好運地嬴了頭轉,但大部份的都因為買入價高於市價,唔捨得斬纜,短炒變長渣就係咁型成了,洗濕左個頭了,唯有繼續焗住賭,任由魚肉.

好股就話要不理短期起跌長渣,但垃圾股的最大特點係,渣幾多年都係咁垃 圾,因為管理層從沒想過如何搞好所擁有的公司,佢只係會琢磨著如何吸乾小股東的一分一毫,而哩類股局比殘局更絕的地方,就是殘局憑棋力,還可以拼個和局, 搏長捉紅勝,但神仙股局就是死路一條,因為大股東和小股東無論是財力或主動權都絕不對稱,本富見過唔少個案都係磨爛席輸身家.